سوبه‌هی وەزیرێ دەرڤە یێ کوێتێ دێ سەرەدانا عێراقێ کەت

سوبەهی ئێکشەمبی 30 ی ته‌مۆزا 2023 ێ” سالم عەبدوللا جابر، وەزیرێ دەرڤە یێ کوێتێ دێ سەرەدانا بەغدا کەت و دێ ل گەل بەرپرسێن بلند یێن حكومه‌تا عێراقێ کۆم بیت.

ئەحمەد سەحاف، پەیڤدارێ وەزارەتا دەرڤە یا عێرقێ دیار كر: سوبه‌هی سالم عەبدوللا جابر دێ ل گەل فوئاد حسێنی، وەزیرێ دەرڤە یێ عێراقێ و هەرسێ سەرۆکاتییان کۆم بیت، د وان کۆمبوونان دا دێ هژمارەکا بابەتێن هەڤپشک د ناڤبەرا هەردو وەلاتان دا دێ هێنە بەحسکرن.