سه‌رۆك بارزانى پیرۆزباهى ل محه‌مه‌د حاجى مه‌حموودى كر

ب هه‌لكه‌ڤتا 47 سالییا دامه‌زراندنا حزبا سۆسیالیست دیموكراتى كوردستان، سه‌رۆك بارزانى پیروزباهى ئاراسته‌یى محه‌مه‌د حاجى مه‌حموود سه‌رۆكێ وێ حزبێ و ئه‌ندامێن مه‌كته‌با وێ یا سیاسى و سه‌ركردایه‌تى و هه‌موو ئه‌ندام و لایه‌نگرێن حزبێ كر.

سه‌رۆك بارزانى د په‌یاما خوه‌دا دبێژیت : وى پێزانین بۆ خه‌بات و قوربانیدانا هه‌وه‌ و حزبا هه‌وه‌  دبزاڤا رزگاریخوازا كوردستانێدا هه‌نه‌.

هه‌روه‌سا سه‌رۆك بارزانى  دپه‌یاما خوه‌دا دیاركر، هیڤییا وى ئه‌وه‌ ب هیممه‌تا هه‌موو لایه‌كى كار بۆ پاراستنا ده‌ستكه‌ڤتێن گه‌لێ كوردستانێ بهێته‌كرن، كوردستان ب سه‌ر هه‌موو ئاسته‌نگ و هه‌ڤركییاندا ب سه‌ركه‌ڤیت.

ده‌قێ په‌یاما سه‌رۆك بارزانى :

ب ناڤێ خۆدێ مه‌زن و دلوڤان

برایێ به‌رێز كاك محه‌مه‌د حاجى مه‌حموود سه‌رۆكێ حزبا سۆسیالیست دیموكراتى كوردستان.

ل هه‌لكه‌ڤتا 47 سالییا دامه‌زراندنا حزبا سۆسیالیست دیموكراتى كوردستان، گه‌رمترین پیرۆزباهییێن خوه‌ ئاراسته‌یى هه‌وه‌یێن به‌رێز و ئه‌ندامێن مه‌كته‌با سیاسى و سه‌ركردایه‌تى و هه‌موو ئه‌ندام و لایه‌نگرێن حزبا سۆسیالیست دیموكراتى كوردستان دكه‌م.

دڤێ بیره‌وه‌رییێدا من پێزانین بۆ خه‌بات و قوربانیدانا هه‌وه‌ و حزبا هه‌وه‌ د بزاڤا رزگاریخوازا كوردستانێدا هه‌نه‌ و هیڤییا سه‌ركه‌ڤتن و به‌رده‌وامییێ بۆ هه‌وه‌ دخوازم.

هیڤیدارم ب هیممه‌تا هه‌موو لایه‌كى كار بۆ پاراستنا ده‌ستكه‌ڤتێن گه‌لێ كوردستانێ بهێته‌كرن، كوردستان ب سه‌ر هه‌موو ئاسته‌نگ و هه‌ڤركییاندا سه‌ربكه‌ڤیت.

مه‌سعوود بارزانى

8ى ته‌باخا 2023ێ