مەرجێن پێدانا یەكەیێن ئاكنجیبوونێ ب كرێچی وكێمدەرامەتێن هەرێمێ هاتنە دیاركرن و ل دویڤ وان مەرجان پێدڤییە ئەو كەسێن فۆرمێ پڕدكەن، بەلێننامەیەكێ پڕبكەن و بەلێنا هەبوونا ئەوان مەرجێن هاتینە دیاركرن دۆپاتبكەن.
مەرجێن وەرگرتنا یەكەیێن ئاكنجیبوونێ:
1 – وەلاتییێ هەرێما كوردستانێ بیت.
2 – ئاكنجییێ وێ پارێزگەهێ و جهێ وەرگرتنا فۆرمێ بیت.
3 – ئەو یان ( هەڤژین ) خۆدانێ چ یەكەیێن ئاكنجیبوونێ نەبیت ( خانی یان شوققە ).
4 – ئەو یان ( هەڤژین ) د چ پڕۆژەیێن دی یێن ئاكنجیبوونێدا سوودمەند نەبن.
5 – ئەو یان ( هەڤژین ) ژ پێشینەیا خانوبەران ل هەرێما كوردستانێ سوودمەند نەبن.
6 – ئەگەر بوو خۆدانێ یەكەیا ئاكنجیبوونێ، نابیت هەتا 10 سالان كڕین و فرۆتنێ ب وێ یەكەیێ بكەن.
7 – ئەو یان ( هەڤژین ) ژ مولكێن دەولەتێ ( زەوی، خانی، شوققە ) سوودمەند نەبن.
8 – ئاكنجییێ دەرڤەی هەرێما كوردستانێ نەبیت و هەلگرێ چ ڕەگەزنامەیەكا دی ژبلی یا عیراقی نەبیت.
9 – نابیت داخوازییا خۆ ل چ پارێزگەهێن دی یێن هەرێمێ پێشكێشبكەت.
10 – ئەو یان ( هەڤژین ) ژ چ خانییێن زێدەگاڤی سودمەند نەبن.
