نێچیرڤان بارزانی، سەرۆكێ هەرێما كوردستانێ ب هەلكەفتا سالڤەگەرا دامەزراندنا پارتا سۆسیالست دیمۆكراتی كوردستان پەیامەكا پیرۆزباهییێ بەلاڤكر و تێدا پیرۆزباهی ل سكرتێرێ گشتی یێ وێ پارتێ كر.
دەقێ پەیاما سەرۆكێ هەرێما كوردستانێ:
د چل و حەفتەمین سالیادا دامەزراندنا پارتا سۆسیالست دیمۆكراتا كوردستانێدا، پیرۆزباهییێن گەرم ل بەڕێزان محەمەدێ حاجی مەحموود، سكرتێرێ پارتێ و ئەندامێن مەكتەبا سیاسی و جڤاتا سەركردایەتییێ و سەرجەم ئەندام و لایەنگرێن وێ پارتێ دكەم.
ب ڕێزڤە بەرێخوددەینە خەبات و قۆربانیدانا پارتا سۆسیالست دیمۆكراتی كوردستان بۆ ئازادییێ و ڕۆل و پشكدارییا وێ د پڕۆسا سیاسی یا هەرێما كوردستانێدا، بلند د نرخینین. وەك هەردەم دۆپاتییێ ل تەباییێ، ئێكڕێزی و هاریكارییا دناڤبەرا هەموو لایەنێن سیاسیدا دكەین بۆ پاراستنا ماف و دەستكەفتێن دەستووری یێن هەرێما كوردستانێ.
