په‌یڤدارێ حكومه‌تێ : سوبه‌هى شاندێ حكومه‌تا هه‌رێما كوردستانێ دێ سه‌ره‌دانا به‌غدا كه‌ت

سوبه‌هى شاندێ حكومه‌تا هه‌رێما كوردستانێ دێ بۆ دانوستاندكرنێ ل سه‌ر بابه‌تێ هنارتا مووچه‌ و شایسته‌یێن دارایى سه‌ره‌دانا به‌غدا كه‌ت، په‌یڤدارێ حكومه‌تێ ژى دبێژیت، نوكه‌ چ بهانه‌ ل به‌رده‌م به‌غدا نه‌ماینه‌، داكو شایسته‌یێن داراییێن هه‌رێما كوردستانێ نه‌هنێریت.

پێشه‌وا هه‌ورامى په‌یڤدارێ حكومه‌تا هه‌رێما كوردستانێ دیاركر، سوبه‌هى رۆژا سیشه‌مبى شاندێ حكومه‌تا هه‌رێما كوردستانێ دێ بۆ دانوستاندكرنێ ل سه‌ر بابه‌تێ هنارتنا مووچه‌ و شایسته‌یێن داراییێن هه‌رێما كوردستانێ سه‌ره‌دانا به‌غدا كه‌ت.

پێشه‌وا هه‌ورامى ل دۆر هنارتنا مووچه‌ و شایسته‌یێن دارایێن هه‌رێما كوردستانێ دووپاتكر، نوكه‌ چ بهانه‌ ل به‌رده‌م حكومه‌تا عیراقێ نه‌ماینه‌، هه‌تاكو شایسته‌یێن داراییێن هه‌رێما كوردستانێ نه‌هنێریت.

په‌یڤدارێ حكومه‌تێ ئاماژه‌ ب هندێ دا، ل رۆژا ئێكشه‌مبییا بهێت جاره‌كا دى شاندێ حكومه‌تا هه‌رێما كوردستانێ دێ دگه‌ل نوونه‌رێ وه‌زاره‌تا سامانێن سروشتى و شاره‌زایێن بواری په‌ترۆلێ بۆ دانوستاندكرنێ ل سه‌ر بابه‌تێ قانوونا په‌ترۆلا فیدرالى سه‌ره‌دانا به‌غدا كه‌ت.