رۆژنامەكا بریتانی: چەند قه‌چاغچییێن كورد بزاڤا كۆنترۆلكرنا رێیا قه‌چاغییێ یا دناڤبه‌را فرەنسا و بریتانیا ددەن

چەند قه‌چاغچییێن كورد د هه‌ڤركییێ دانه‌ بۆ كۆنترۆلكرنا ڕێیا قه‌چاغییێ یا دناڤبه‌را فرەنسا و بریتانیا دا” هه‌روه‌سا ئەندامێن وی باندی چەكێ ئۆتۆماتیکی هەلدگرن بۆ کۆنترۆلکرنا ڕێكێن قه‌چاغ و ژ ئه‌گه‌رێ شەری وتەقەیا ئەوان شەش پەنابەرێن ئەفغانی گیانێ خۆ ژ دەست دایە.

رۆژنامەیا (دەیلی مەیل) یا بریتانی دیار كرییه‌: “ئەندامێن وێ باندێ قه‌چاغچییان د شەری دا تڤەنگێ هەلدگرن بۆ کۆنترۆڵکرنا ڕێیا قه‌چاغان، ئەڤه‌ دد ه‌مه‌كی دایه‌” كو ل حه‌فتییا بوری بەلەمه‌ک نوقم دبیت، تەقە هاته‌ کرن و بوو ئه‌گه‌رێ خه‌ندقینا شەش پەنابەرێن ئەفغانی.”

هه‌روه‌سا گۆتییه‌: ”قه‌چاغچییێن كورد توندوتیژییێ ب كار دئینن، بۆ کۆنترۆلکرنا ئەوی کاری ژی گه‌له‌ك مفا دگه‌هیته‌ وان.

تێدا هاتییه‌: باندێن قه‌چاغچییێن کورد بۆ هەر کەسه‌كێ هزار و 300 پاوەندێن ئیستەرلینی وەردگرن، ئەو بەلەمێن ئه‌و ب کار دئینن، دشێن 60 کەسان هەلبگرن و ڕەنگە مفایێ بارێ سەفەره‌كا کۆچبەران بگه‌هیتە 80 هزار پاوەندێن ئیستەرلينی”.