ئەفسەرهكێ یاسایی ل پشكا نەهێلانا مادێن بێهۆشكەر دبێژیت، ل هەشت ههیڤێن بوری دا ل سلێمانییێ دەست ب سەر پتر ژ 450 کیلۆیێن مادێن بێهۆشكەر دا هاتینه گرتن” هەروەسا نێزیکی 250 کەس ژ هاتینه دەستهسهر کرن، کو بازرگان یان بکارهێنەرێن مادێن بێهۆشكەر بوون.
عەقید سامان ئیسماعیل، ئەفسەرێ یاسایی ل پشكا نەهێلانا مادێن بێهۆشكەر ل سلێمانییێ گۆت، ئەڤ ساله ب ههڤبهر كرن ل گهل سالا بوری، “رێژەكا کێمتر ژ بازرگان و ب کارهێنەرێن مادێن بێهۆشكەر هاتینه گرتن و ههروهسا ل هەشت ههیڤێن بوری یێن ئهڤ ساله، ل سلێمانییێ نێزیکی 250 کەس هاتینه دەستهسهر کرن کو پتر ژ 100 کەسان ب تۆمەتا بازرگانیکرنێ ب مادێن بێهۆشكەر بووینە و ئەوێن دیتر ژی ب کارهێنەرێن وی مادهیی بوون و نێزیکی 15 بۆ 25 کەس ژ وان ژن بووینه، کو ههموو بکارهێنەر بوون.
