گویزێ پتر ژ هەر خوارنەكا دی دژەئوكسان دناڤدا هەنە و یا دەولەمەندە ب دوهنێ ئومێگا 3، ڤیتامین H، ڤیتامین B6، سییامین، نایاسین و ریبوفلافین. هەر 100 گرامێن گویزێ پێكدهێن ژ:
645 كالۆرییان 15.23 گرام پرۆتین 13.71 گرام كاربۆهێدرات 65.21 گرام دوهن 2.61 گرام شەكر 98 ملیگرام كالسیۆم 441 ملیگرام پۆتاسیۆم 2 ملیگرام سودیوم مفایێن گویزان: – پاراستن ژ نەخۆشییێن دلی، ژبەركو یا دەولەمەندە ب ئومێگا 3. – كێمكرنا ڕێژا كۆلسترۆلێ زیانبەخش و بلندكرنا ڕێژا كۆلسترۆلێ ب مفا. – نزمكرنا پەستانا خوینێ یا بلند. – باشتركرنا كارێ مێشكی و بهێزكرنا بیردانكێ و كێمكرنا مەترسییا توشبوونێ ب زەهایمەرێ. – باشتركرنا ساخلەمییا هەستییان، ژبەركو یا دەولەمەندە ب فسفۆری و هەبوونا ترشێن دوهنی ژی دناڤدا دبیتە ئەگەرێ زێدەكرنا مێژتنا كالسیۆمی. ئەڤە یەكە ژی دبیتە ئەگەرێ پاراستنا هەستییان و بهێزكرنا وان. – ڕێكخستنا ڕێژا شەكرێ دناڤ لەشی دا و كێمكرنا مەترسییا توشبوونێ ب نەخۆشییا شەكرێ ژ جورێ 2. – باشتركرنا ساخلەمییا ڕویڤیكان و دەرێخستنا بەرمایك و ژەهراویبوونان. – پێكهاتەیێن پۆلی فینۆل، ئومێگا 3 و مەگنسیۆمی دناڤ گویزێ دا دبنە ئەگەرێ كێمكرنا هەودانان دناڤ لەشی دا و ئەڤەژی دبیتە ئەگەرێ كێمكرنا نەخۆشییێن دومدرێژ. – بهێزكرنا بەرگرییا لەشی. – هاریكارە بۆ كێمكرنا كێشا لەشی. – پاراستن ژ توشبوونا پەنجەشێرا پرۆستات و قۆلونێ. – باشتركرنا خەوێ، ژبەركو گویز ماددێ میلاتۆنین دروستدكەت كو هاریكارە بۆ ڕێكخستن و باشتركرنا خەوێ. – بهێزكرن و درێژكرنا پرچێ و پاراستنا وێ ژ كەڤشكی. – پاراستنا پیستی ژبەركو دەلەمەندە ب ڤیتامین H و ڕاگرتنا ڕەشاتییا بن چاڤا. – پاراستنا لەشی ژوان ئوكسانێن كۆلسترۆلێ زیانبەخش دروستدكەت و دمیننە ب ڕەخ و ڕوویێن دەمارێن خوینێ ڤە و دبنە ئەگەرێ هشككرنا دەمارێن خوینێ. ژێدەر: مالپەڕێ الطبی
