ئیسرائیل د قووناغەکا نوو دا هێرشێ دكەتە سەر کەرتێ ڤەگوهاستنێ و هێلێن ئاسنی یێن ئیرانێ.
ئیسرائیل د قووناغا نوو یا هێرشێن خۆ دا بۆ سەر ئیرانێ، کەرتێ ڤەگوهاستنێ و ب تایبەتی هێلێن ئاسنی و شەمەندەفران دکەتە ئارمانج.

ئەڤڕۆ سێشەمبی، ٧ێ نیسانا ٢٠٢٦ێ، سوپایێ ئیسرائیلێ ب رێیا هژمارا خۆ یا فەرمی ل پلاتفۆڕما “ئێکس” (ب زمانێ فارسی)، هوشدارییەکا ب لەز ئاراستەیی وەلاتیێن ئیرانێ کر و داخواز ژ وان کر کو هەتا دەژمێر ٩:٠٠ی شەڤ ب دەمێ تەهرانێ، ژ شەمەندەفر و هێلێن ئاسنی دویر بکەڤن. سوپایێ ئیسرائیل راگەهاند ژی: “بۆ سلامەتییا گیانێ خۆ، ژ بکارئینانا شەمەندەفران و هاتنوچوونا ل سەر وان دویر بکەڤن، چونکی هەبوونا هەوە ل وان جهان مەترسییێ دێ ل سەر ژیانا هەوە پەیدا کەت.”