ڤیان عەباس، سەرۆکا سەندیکا رۆژنامەڤانێن کوردستانێ تایێ دهۆکێ بۆ ئاژانسا خانی ڕاگەهاند، ئەڤرۆ ڕێککەفتی 24-3-2023، ل ئاڤاهیێ دادگەها دهۆکێ، سەرۆکا داخوازکارێ گشتی ل ئۆفیسا دهۆک ب هەڤکاری دگەل سەندیکا ڕۆژنامەڤانێن کوردستانێ – لقا دهۆکێ، کۆمبوونەک ئەنجامدا.
دیارکر ژی، د کۆمبوونێدا چەندین نوونەرێن دەزگەهێن راگەهاندنێ ل دهۆکێ، دگەل نوونەرێن ڕێڤەبەریا پۆلیسێن دهۆکێ و پارێزەرێ سەندیکایێ ئامادەبوون.
گۆتژی:”د کۆمبوونێدا هندەک بابەتێن گرنگ کو گرێدای ب کارێ ڕؤژنامەڤانیڤە ژ لایێ قانوونی و پیشەیڤە هاتنە بەحسکرن و بشێوەیەکێ گشتی لێکتێگەهشتنەک دناڤبەرا لایەنێن پشکدار دا لسەر چەندین خالان هەبوو.
