وەزارەتا باژێرڤانییێ: مەزاختییێن  هەیڤانە ێێن دابینکرنا ئاڤێ 46 ملیار دینارن

وەزارەتا باژێرڤانیی و گەشتوگوزارێ یا حکومەتا هەرێما کوردستانێ ڕاگەهاندیە، ڕۆژانە دوو ملیۆن و 684 هزار و 606 مەترێن سێجا یێن ئاڤا ڤەخوارنێ بۆ وەلاتییان دهێنە دابینکرن و مەزاختییێ ڕاستەوخۆ و نە ڕاستەوخۆ لسەر حکومەتا هەرێما کوردستانێ، هەیڤانە دگەهیتە 46 ملیار دیناران.

فەرمانگەها میدیا و زانیاری بەلاڤکریە، بزاڤێن حکومەتا هەرێما کوردستانێ بۆ دابینکرنا ئاڤا ڤەخوارنێ بۆ وەلاتیان بەردەوامە و وەزارەتا باژێرڤانی و گەشتوگۆزارێ ڕادگەهینیت،” مەزاختیێ هەیڤانە یێن دابینکرنا ئاڤێ بۆ وەلاتییان 46 ملیار دینار.”