هەدەپێ دو هەڤسەرۆکێن نوو هەلبژارتن

ئه‌ڤرۆ ئیكشه‌مبی 27 ی ته‌باخا 2023 ێ” پارتییا دیموکراتیك یا گەلان هه‌ده‌پێ كۆنگری خۆ یێ چارێ یێ نه‌ئاسایی ل ئەنقەرە‌ ساز کر و هه‌ڤسەرۆکێن نوو یێن وێ پارتییێ ژی هاتنه‌ هەلبژارتن.

ب بەرهەڤبوونا 904 ئەندامان، هەدەپێ کۆنگرێ خۆ یێ چارێ گێرا، هەر ئێک ژ سۆلتان ئۆزجان و جاهد کزکازاک وەک هەڤسەرۆکێن نوو یی هه‌ده‌پێ هاتنە هەلبژارتن” هه‌روه‌سا هژمارا ئەندامێن سەرکرداتییێ ژی ژ 100 ئەندامان كرنه‌ 39 ئەندامان و 15 ئەندام ژی وەک یەدەك دیار کرن.

ئه‌ڤه‌ 11 ساله‌ هه‌ده‌په‌ هاتییه‌ دامه‌زراندن و ل گه‌ل هندێ ژی بریارا هەلوەشاندنێ نەدا پشتی کو ل سالا 2021 ێ” کەیسا هەڤکاریکرنا ل گەل پەکەکێ ل سەر سەپاندی، به‌لێ بریار دا چالاکییێن خۆ یێن سیاسی کێم بکەت و پتر ب ناڤێ پارتییا کەسک یا چەپ یەسەپە یا چالاک بیت.