راگه‌هاندنه‌ك ژ رێڤه‌به‌رییا نه‌هێلانا مادده‌یێن بێهۆشكه‌ر

رێڤه‌به‌رییا نه‌هێلانا مادده‌یێن بهێۆشكه‌ر یا سه‌ر ب جڤاتا ئاسایشا هه‌رێما كوردستانێڤه‌ ده‌ست ب سه‌ر 5.5 كیلۆگرامێن مادده‌یێن بێهۆشكه‌ر و پێنج ئامیرێن قوماركرنێدا گرت.

رێڤه‌به‌رییا نه‌هێلانا مادده‌یێن بێهۆشكه‌ر د راگه‌هاندنه‌كێدا به‌لاڤكر، تیمێن رێڤه‌به‌رییا نه‌هێلانا مادده‌یێن بێهۆشكه‌ر ب هه‌ڤكارییا پشكا لڤینێن رێڤه‌به‌رییا ئاسایشا كه‌ركووكێ، د چه‌ند چالاكییاندا پشتى دووڤچوونه‌كا كوور و وه‌رگرتنا فه‌رمانا ده‌سته‌سه‌ركرن و پشكنینكرنێ ژلایێ دادوه‌رێ لێكۆلینا ئاسایشێ ڤه‌، شیان پێنج تۆمه‌تباران ده‌سته‌سه‌ربكه‌ن كو كارێ كرین و فرۆتنا مادده‌یێن بێهۆشكه‌ر دكر، دگه‌لدا ده‌ست ب سه‌ر 5.5 كیلۆیێن مادده‌یێن بێهۆشكه‌ر و پێنج ئامیرێن قوماركرنێدا گرت.

هه‌روه‌سا ئاماژه‌ ب هندێ كر، په‌رێن لێكۆلینێ بۆ تومه‌تباران هاتنه‌ ڤه‌كرن و ل دووڤ قانوونێ مامه‌له‌ دگه‌لدا هێته‌كرن.