ئاژانسا خانی” زنار تۆڤی:
ئه‌ڤ ساله ل 18/12 دێ هه‌لبژارتنێن جڤاتێن پارێزگه‌هان ل عیراقێ هێنه كرن” ل پارێزگه‌ها دهۆكێ هه‌موو به‌رهه‌ڤی بۆ وێ پرۆسێ هاتینه كرن و هه‌تا نوكه 97% ێ یا کارتێن بایۆمەترى ل سەر ئاستێ پارێزگەها دهۆکێ هاتینە بەلاڤکرن و دیسان پرۆسا نووکرنا كارتا بایۆمەتری و دێ هه‌تا 12 ی ئیلۆنا ئەڤ سالە یا بەردەوام بیت.
بەرپرسێ ئۆفیسا دهۆکێ یا کۆمسیونا بلندا هه‌لبژارتنێن عیراقێ دیار كر: ل پارێزگه‌ها دهۆكێ 52 هزار ئاواره دێ پشكدارییێ د هه‌لبژارتنێن جڤاتێن پارێزگه‌هان ل عیراقێ دا كه‌ن و ژ وێ هژمارێ ژی هه‌تا نوكه 50 هزار ئاواران كارتێن خۆ یێن بایۆمه‌تری وه‌رگرتینه و ئه‌و دو هزارێن ماین ژی ژنوو دێ كارتێن وان هێنه چێكرن.
خالد عەباس، زێده‌تر بۆ ئاژانسا خانی دبێژیت: نووكرنا تۆمارا بایۆمه‌تری ل پارێزگه‌ها دهۆكێ گه‌هشتییه 78% ێ” ل گه‌ل هندێ ژی دابه‌شكرنا كارتێن بایۆمه‌تری گه‌هشتییه 97% ێ” دیسا نوكه مه هژماره‌كا خۆلێن راهێنانێ بۆ كارمه‌ندێن كۆمسیۆنێ ڤه‌كرینه” ل سه‌ر وان ئامیرێن بۆ هه‌لبژارتنان دهێنه ب كارئینان” ژ پێخه‌مه‌ت هندێ كو كارێ مه باشتر برێڤه بچیت” ل رۆژا 2 ئیلۆنێ دێ تێسته‌ك ل سه‌ر وان ئامیران هێته كرن.
