(ئینگلیز و تورك) ل (هه‌ولێر و به‌غدا)…

کۆڤان حسێن

شاره‌زایه‌كا مه‌زنه‌ نوكه‌ ل جیهانێ نوكه‌ ملله‌تان ئه‌گه‌ر چنه‌بیت ب (ته‌پاپێ) مژوول دكه‌ن، ژ خۆ ملله‌تێن وه‌كو مه‌ هه‌تا راده‌یه‌كى ڤالا و بێ به‌رهه‌م و كه‌د ئاسانه‌ حه‌سكه‌ى ب (پیڤازه‌كێ) ڤه‌ دشیێ نه‌ك به‌س مژوول بكه‌ى به‌لكو به‌رده‌یه‌ ئێك و هه‌ر ئێك ژى باوه‌ر دكه‌ت یێ گرنگه‌ و ب خوه‌ ب تنێ دیارییا مه‌زندا به‌س (كومبارسه‌). ئه‌رێ ژ راستا ئه‌م وه‌ك ملله‌ت د سیاسه‌تێ و بێ(ئه‌خلاقیه‌تا) وێ گه‌هشتى نه‌ و مه‌ شیانا ڕاڤه‌كرنا وان هه‌یه‌. ئه‌گه‌ر به‌لێ بۆچى (گه‌مژه‌یى) و گه‌مژه‌ نوكه‌ سه‌مبولێن مه‌نه‌ و سیاسى د ژورێن تاریڤه‌ (سمبێلێن) ئێكو دوو ماچى دكه‌ن. پرسا مووسلێ پرسا تركا و ئینگلیزایه‌، و عه‌ره‌با نه‌ چ ڤێ یه‌ و نه‌ چ جارا كه‌سێ پرسا وان كرییه‌. و كورد ژى وه‌ك دیار ب فره‌كا ئاڤێ یان دخه‌ندقن یان ئاماده‌نه‌ ب (شمشێرا) سه‌رێ خوه‌ برن، ڤان رۆژان دوو وه‌زیرێن پرى مه‌ترسى و پرى مژدارى وه‌ك ترافیكێ ل به‌غدا و هه‌ولێرێ نه‌ ل سه‌روبه‌ندێ دووماهییا لۆزانێ. ئه‌رێ هاتینه‌ گه‌شتێ و سه‌یرانێ؟ چ به‌رپرسێن هندى ڤان ب هێز و مه‌ترسى نه‌هاتینه‌ ڤى وه‌لاتى، به‌لێ هاتینه‌ چ و چ ڤێ یه‌ ڤێ جارێ بۆچى هه‌ردوو پێكڤه‌؟ ئه‌رێ وان هایژێك هه‌یه‌ یان هه‌ر ئێك ب سه‌رێ خوه‌ هاتییه‌؟ دبێژن دوو ماسییێن (قرشى) ل بنێ ده‌ریایه‌كێ ب شه‌ر بچن یان پێك بێن، پرسیارا ئینگلیزا بكه‌ن. كا تبلا وان تێدایه‌ یان نه‌. د چو (پرۆتۆكلا) دا نینه‌ وه‌زیره‌ك (دوو جاران) دگه‌ل به‌رپرسه‌كێ كوگۆم بیت د ئێك رۆژدا، ئه‌گه‌ر په‌یامه‌ك پێ نه‌بیت كو ب كۆمبوونه‌كێ ئێكلانه‌كر بیت. ئه‌رێ دروسته‌ ئه‌ڤ وه‌لاته‌ گرنگ و خه‌لكێ به‌رژه‌وه‌ندى هه‌نه‌ بهێن و بچن، به‌لێ وه‌ك كورد ئه‌م دڤى هه‌ڤیرىدا چنه‌ كو مسوگه‌ر دێ ئاڤێ ڤه‌خوت. ئه‌رێ پروسا راده‌ستكرنا په‌ترۆلێ بۆ به‌غدا سه‌ركه‌فتى بوو وه‌ك دگوتن. ئه‌رێ پشكا تركا وه‌ك د رێككه‌فتنێن ئینگلز و تركادا هاتى كى دێ ده‌ت؟ ئه‌رێ ئاڤ دێ ئێدى به‌لاش ژ سنۆرا بریت؟ وه‌ك رۆژنامه‌ڤان ب تنێ پرسیار دمه‌ دوه‌شن، به‌رسڤ ژى ناهێنه‌ دان. دێ هێن دیتن. مژوولكرنا جڤاكى ب پرسێن تروهات و ب تامسارییانڤه‌، بێ شك و بێگومان پێشه‌كییا تشته‌كى یه‌، ئه‌گه‌ر نه‌ هیچ گوهۆرینه‌كا ریشه‌ى سیاسى د جڤاكێ كوردستانێدا درست نابیت ب هیچ ره‌نگى بریاره‌ و یادى هه‌موو مژوولكرنه‌ ژبه‌ركو هه‌موو یێن فێربین دگه‌ل (ئاغایێن) هه‌ڤركێن خوه‌ رینن نه‌ك دگه‌ل یاریكه‌رێن بێ كه‌لك و پڤداى. دبیت جاره‌كا دى كوردستان په‌ترۆلێ سه‌ربه‌خۆ ب فرۆشیت و بریارا دادگه‌ها پاریسێ و حه‌شد به‌غدا ب ج وه‌رنه‌گرن پشتى شیعه‌یان نه‌وه‌ى دگه‌ل جڤاكا نێڤده‌وله‌تى و هه‌رێمى كرى نه‌ك بۆ خاترا چاڤێن مه‌، بۆ خاترا(ئینگلیز و تركا) ئانكو بۆ خاترا سیكا (وزێ) ل جیهانێ..