<h2 style="text-align: justify;"><span style="font-size: 18pt;">محەمەد شیاع سوودانی، سەرۆکوەزیرێن عیراقێ و ئەنتۆنی بلینکن، وەزیرێ دەرڤەیێ ئەمریكا ئەڤرۆ ل نیۆیۆرك كۆمبوون.</span></h2> <h2 style="text-align: justify;"><span style="font-size: 18pt;">وەزیرێ دەرڤەیێ ئەمریكا داخواز ژ سوودانی كر، "بەردەوام بن د هەماهەنگییێدا دگەل هەرێما کوردستانێ بۆ گرنگیدانا سەقامگیری و خۆڕاگرییا حکومەتا هەرێما کوردستانێ".</span></h2> <h2 style="text-align: justify;"><span style="font-size: 18pt;">هەروەسا ئەنتۆنی بلینکن، "پشتەڤانییا ئەمەریکا بۆ دووبارە دەستپێكا هنارتنا پەتڕۆلێ ب ڕێكا بۆرییێن پەتڕۆلێ بەرەف توركیا دووپاتكر".</span></h2> <h2 style="text-align: justify;"><span style="font-size: 18pt;">لدووڤ ڕاگەهاندنا وەزیرێ دەرڤەیێ ئەمریكا؛ د كۆمبوونێدا هەردوو ئالییان پابەندبوونا خۆ بۆ بەردەوامییا ب هێزترکرنا پەیوەندییێن دناڤبەرا هەردوو وەلات و بنەمایێن چارچووڤێ ڕێككەڤتنا ستراتیژییا ئەمریکا و عیراقێ دیاركر.</span></h2> <h2 style="text-align: justify;"><span style="font-size: 18pt;">د كۆمبوونێدا وەزیرێ دەرڤەیێ ئەمریكا داخوازا فەرمی ژ لایێ جۆ بایدن، سەرۆکێ ئەمریکا پێشكێشی سوودانی کر بۆ هندێ سەرەدانا كۆچكا سپی بكەت.</span></h2>
