<h3 style="text-align: justify;"><span style="font-size: 18pt;">سهرۆك بارزانى د چارچووڤێ پێشوازیكرنێدا ل شاندهكێ بلندێ بزاڤا دیموكراتییا ئاشوورى، جارهكا دى ههڤخهمییا خوه بۆ كهسوكارێن قۆربانییێن ڕوودانا دلتهزینا ئاگربهربوونێ ل قهزایا حهمدانییه راگههاند.</span></h3> <h3 style="text-align: justify;"><span style="font-size: 18pt;">سهرۆك مهسعوود بارزانى ل پیرمام پێشوازى ل شاندهكێ بلندێ بزاڤا دیموكراتییا ئاشوورى ب سهرۆكایهتییا یهعقووب گۆرگیس سكرتێری وی حزبێ كر.</span></h3> <h3 style="text-align: justify;"><span style="font-size: 18pt;">د دیدارهكێدا ههردوو لایان ههڤخهمییا خوه یا كوور بۆ كهسوكارێن قۆربانییێن ڕوودانا دلتهزینا ئاگربهربوونێ ل قهزایا حهمدانییه راگههاند كو تێدا ب سهدان وهلاتییان گیانێ خوه ژ دهستدا و برینداربوون.</span></h3> <h3 style="text-align: justify;"><span style="font-size: 18pt;">ل دووڤ راگههاندنا بارهگایێ بارزانى، د پشكهكا دییا ئهوێ دیدارێدا، رهوشا سیاسییا عیراقێ و ههرێما كوردستانێ و كووركرنا بنهمایێن پێكڤهژیانێ و سهقامگێرییێ ههروهسا پهیوهندییێن دوو قۆلى دناڤبهرا ههردوو لایاندا هاتنه گوتوبێژكرن، سهرۆك بارزانى زێدهبارى پیرۆزباهییێ ب ههلكهڤتا ههلبژارتنا یهعقووب گۆرگیس وهكو سكرتێرێ حزبێ، هیڤییا سهركهڤتنێ بۆ بزاڤا دیموكراتییا ئاشوورى د كار و چالاكییێن سیاسیدا خواست.</span></h3>
