ئه‌ندامه‌كێ په‌رله‌مانێ عیراقێ: هه‌كه‌ ئه‌نجامێن لژنا ڤه‌كۆلینێ د روودانا حه‌مدانییه‌ دا د واقعی نەبن دێ ره‌تكه‌ین

 ئاژانسا خانی:

هێشتا ڤه‌كۆلین د روودانا ئاگر به‌ربوونێ ل هۆلا شه‌هیانان ل حه‌مدانییه‌ یا به‌رده‌وامه‌، گه‌له‌ك ژ‌ كریستیانێن وی باژێركی وه‌سا دده‌نه‌ دیار كرن” كو ئه‌و روودانه‌ یا بێ پیلان بیت و ژ نشكه‌كێڤه‌ روونه‌دایه‌.

شێروان دوبه‌ردانی، ئه‌ندامێ په‌رله‌مانێ عیراقێ ل سه‌ر فراكسیۆنا پارتی دیموكراتی كوردستان” بۆ ئاژانسا خانی گۆت: وه‌سا بریاره‌ ئه‌ڤڕۆ شه‌مبییێ ده‌رئه‌نجامێن ڤه‌كۆلینا ئه‌و لژنا ژ به‌غدا هاتی بهێنه‌ ئاشكرا كرن” كو بۆ ڤه‌كۆلینێ ژ به‌غدا هاتبوونا هۆلا هه‌یسه‌م یا شه‌هیانان ل حه‌مدانییه‌، نوكه‌ گه‌له‌ك ژ خه‌لكێ حه‌مدانییه‌ د بێژن، كو ئه‌و كارێ روودایی كاره‌كێ تیرۆریستی بوویە،‌ رۆژانه‌ ڤیدیۆیێن جۆدا ل سه‌ر وێ روودانێ به‌لاڤ دبن، نوكه‌ ئه‌م ژی چاڤه‌رێیی كارێ وێ لژنێ دكه‌ین یاكو ژ لایێ وه‌زراه‌تا ناڤخۆڤه‌ هاتییه‌ پێكئینان، هه‌كه‌ مه‌ زانی ئه‌و ڤه‌كۆلینه‌ یا واقعی نینه‌، وه‌كو ئه‌ندامێن په‌رله‌مانێ عیراقێ دێ ده‌رئه‌نجامان ره‌تكه‌ین‌ و د هه‌مان ده‌مدا” ئه‌گه‌ر هه‌یه‌ خه‌لكێ حه‌مدانییه‌ ژی وان ئه‌نجامان ره‌ت بكه‌ن.

ناڤهاتی گۆت ژی: د نوكه‌ دا خه‌لكێ باوه‌ری ب لیژنێن حكومه‌تا عێراقی نه‌ماینه”‌ چونكی به‌ری نوكه‌ ژی لژنه‌ هاتینه‌ و چ  ژێ دیار نه‌بوویه‌ و چ نه‌كرییه‌، خه‌لكێ حه‌میدانییه ژی‌ باوه‌ری ب لژنێن به‌غدا نه‌مایه‌، ئه‌و د‌زانن رێڤه‌به‌رێ وێ هۆلێ‌ كییه‌ و چاوا هاتییه‌ دروست كرن‌، دیسان دوهی خه‌لكێ حه‌مدانییه‌ وه‌زیرا كۆچ و كۆچبەرێن عێراقێ ده‌ركر كو سه‌ر ب‌ بزاڤا بابلیۆن یا ڕه‌یان كلدان ڤه‌یە” له‌وما نه‌هێلا بچیته‌ دناڤا هۆلا شه‌هیانان دا ل حه‌مدانییه‌.