برگەیا پارێزگه‌هبوونا هەلەبجە ژ روونشتنا ئه‌ڤرۆ یا پەرلەمانێ عێراقێ هاته‌ لادان

ئاژانسا خانی:

ئه‌ندامه‌كێ په‌رله‌مانێ عیراقێ ل سه‌ر فراكسیۆنا پارتی دیموكراتی كوردستان دیار كر: د کۆمبوونا سەرۆکێن فراکسیۆنێن کوردستانی ل گه‌ل دەستەیا سەرۆکاتییا پەرلەمانێ عیراقێ بریار هاته‌ دان، برگەیا دەنگدانێ ل سەر پارێزگابوونا هەلەبجە د کارنامەیا روونشتنا ئه‌ڤرۆ یا په‌رله‌مانێ عیراقێ بهێته‌ لادان و ئه‌و كۆمبوونه‌ بۆ ده‌مه‌كێ دیتر هاته‌ پاشخستن و نوكه‌ ژی روونشتنا په‌رله‌مانی یا به‌رده‌وامه‌.

خالد رێكانی” زێده‌تر بۆ ئاژانسا خانی گۆت: ئه‌گه‌رێن هەلگرتنا ئەوێ بڕگەیێ ڤه‌دگه‌رن بۆ رێکنەکەفتنا فراکسیۆنان بۆ کۆدەنگییێ ل سەر دەنگدانێ بۆ وێ برگه‌یێ، چونکی هنده‌ك ژ فراکسیۆنێن شیعی و سوونی د ئاماده‌نه‌ ب مەرج دەنگی ل سەر ئەوێ برگەیێ بدەن” د هه‌مان ده‌مدا هه‌كه‌ نه‌خشه‌یێن ئیداری یێن هه‌له‌بجه‌ ته‌مام ببن” پشتی هنگێ دێ ده‌نگ ل سه‌ر پارێزگه‌هبوونا هه‌له‌بجه‌ هێته‌ دان.

ناڤهاتی گۆت ژی: وه‌سا بریار بوو ئەڤڕۆ شەمبییێ 30 ی ئیلۆنا 2023 ێ” د روونشتنا پەرلەمانێ عێراقێ دا، دەنگ ل سەر پرۆژە یاسایا  پارێزگابوونا هەلەبجە بهێته‌ دان، به‌لێ ئه‌ڤرۆكه‌ ژی ئه‌و برگا هاته‌ لادان و بۆ ده‌مه‌كی دیتر هاته‌ پاشخستن و ئه‌ڤه‌ چه‌ندین جاران ئه‌و بابه‌ته‌ دهێته‌ یاشخستن و گه‌له‌ك لایه‌نێن سیاسی یێن عه‌ره‌بان و ب تایبه‌تی یێن شیعی ده‌نگی ل سه‌ ر وی پرۆژه‌یی ناده‌ن.