راپۆرته‌كا ئەمریكی: نوكه‌ عێراق دوژمنێ نه‌راستەوخۆ یێ ئەمریكایە

گۆڤارا  فۆرێگن ئەفرەیس – Foreign Affairs بۆ ڤه‌كۆلینێ ل کاروبارێن سیاسەتا دەرڤه‌ یا ئەمریکا، ڕاپۆرته‌ك دەربارەیی پەیوەندییێن دناڤبه‌را عێراق و ئەمریکا و دیتنا سیاسەتمەدارێن ئەمریکی بۆ عێراقێ به‌لاڤ كرییه‌، كو زانیارییێن مەترسیدار بۆ ئایندەیێ عێراقێ تێدا هه‌نە.

ئه‌و گۆڤارە دیار دكه‌ت: “عێراق ل ده‌ستپێكێ دوژمن و پاشی دۆستێ ئەمریکا بوو، به‌لێ نوكه‌ بوویە “دۆستێ دوژمن” واشنتۆن ژی وەکو هه‌ڤپشكه‌كێ دژی ئێك و دوژمنه‌كێ نه‌راستەوخۆ به‌رێ خۆ دده‌ته‌ بەغدا.

دیرۆكا پەیوەندییێن ئەمریکا و عێراقێ، چیرۆکه‌کە بەردەوام د ململانێ و دوبارەبوونێ دایە، به‌ری شه‌رێ ئێكێ یێ کەنداڤی، عێراق ب پلەیا ئێكێ هه‌ڤپەیمانا واشنتۆن بوو، وەکو نەیاره‌كێ ئیرانێ د شەره‌كێ دژوار دا كو بۆ هه‌شت سالان وی شه‌ری ڤه‌كێشا.

ل سالا 1990 ێ” ژ ئه‌گه‌رێ داگیرکرنا کوێتێ ژ لایێ رژێما سەدامی ڤه‌، بەغدا ژ هه‌ڤپشكه‌كێ بازرگانی یێ ئەمریکا هاته‌ گوهۆرین بۆ “نەیاره‌كێ ستراتیژی” ل وی ده‌می سەرۆکێ به‌رێ یێ ئەمریکا (جۆرج بۆش) ی ل دژی عێراقێ شەره‌ك بۆ ڕزگارکرنا کوێتێ بەرپا کر.

پشتی ڤه‌كێشانا هێزێن ئەمریکا و ڕوخاندنا رژێما به‌عسی ل سالا 2003 ێ” عێراق بۆ ئەمریکییان بوویه‌ “ئەزموونا ئاڤاكرنا نه‌ته‌وه‌یه‌كێ” هەروەسا هه‌ڤپەیمانا ئەمریکا بوو د به‌رهنگاربوونا شەرێ تیرۆرێ دا، بە لێ پشتی ڤه‌كێشانا هێزێن ئەمریکا، عیراق ژ لایێ ئیرانێ ڤه هاته‌‌ کۆنترۆل کرن.