نەتەنیاهۆ: هەر جهەکێ حەماس لێبیت دێ وێران کەین

ئەڤ شەڤە د گۆتارەکێدا سه‌رۆكوه‌زیرێن ئیسرائیلێ داخواز ژ پارتێن ئۆپزسیۆنا وەلاتێ خۆ کر، حکومەتەکا هەوارچووونا بلەز پێکبینن و گۆت:”هەر جهەکێ حەماس لێبیت دێ وێران کەین.”

 بنیامین نەتەنیاهۆ سه‌رۆكوه‌زیرێن ئیسرائیلێ د گۆتارەکێدا ڕاگەهاند، هندەک چەکدار دناڤ ئاخا ئیسڕائیلی دا ماینە، دێ ئەوان ژی ژناڤ بەین.

گۆتژی: “سوپاسیا پشتەڤانییێن جۆ بایدن سه‌رۆكێ ئه‌مه‌ریكا و كه‌شتیا فرۆکەڤانی یا ئه‌مه‌ریكا دكه‌م  کو بۆ پشتەڤانییا مە هاتینە دەڤەرێ.”

ئاماژه کر ژی، رۆژێن گران ل هەمبەری مەنە و دوپاتییێ ل سەرکەفتنێ دکەین و هەر جهەکێ حەماس لێبیت، دێ ویران کەین.

هەروەسا سەرۆکوەزیرێن ئیسرائیل گۆت: “دێ هەمی تشتەکی ژ پێخەمەت رەڤاندی و بێسەروشوینبوویاندا کەین.”