سعودییێ دڤێت مێسى و كریستیانوى پێكڤه‌ كۆم بكه‌ت

رۆدى گالێتییێ رۆژنامه‌ڤان ل سكاى سپۆرت ئاماژه‌یان ب سورپرایزه‌كا مه‌زن دكه‌ت، كو ئه‌گه‌ر ڕوو بده‌ت دێ بیته‌ ئێك ژ مه‌زنترین نووچه‌یێن فوتبۆلێ ل 20 سالێن بوورى.

ل دووڤ ئاخڤتنێن وى رۆژنامه‌ڤانى، سعودییێ بریاردایه‌ بزاڤان بكه‌ت كو لیۆنێل مێسى و كریستیانۆ رۆنالدوى دئێك تیمدا كۆمبكه‌ت، ئانكو هه‌ردوو یارییێ بۆ یانه‌یا نه‌سر یا سعودى بكه‌ن.

رۆدى گالێتى ل دۆر وێ چه‌ندێ دبێژیت: ئێكه‌تییا فوتبۆلا سعودییێ و سندۆقا وه‌به‌رهێنانا گشتى دووڤچوونێ بۆ وێ ده‌رفه‌تێ دكه‌ن، كو مێسى بهێته‌ خۆلا سعودییێ.

زێده‌تر دبێژیت: سعودییان دڤێت كار ل سه‌ر هندێ بكه‌ن كو پشتى ب دووماهى هاتنا خۆلا ئه‌مریكا، مێسى ببه‌نه‌ خۆلا سعودییێ بۆ هندێ دگه‌ل كریستیانۆ رۆنالدۆى یارییێ بكه‌ت.