مەسرور بارزانی پێشوازی ل بالیۆزێ بریتانیا ل عیراقێ كر

مەسرور بارزانی سەرۆكێ حكومەتا هەرێما كوردستانێ پێشوازی ل ستیڤن هیچنس بالیۆزێ بریتانیا ل عیراقێ كر.

بابەتێ سەرەكییێ كۆمبوونێ یێ تایبەت بوو ب گرنگییا چارەسەركرنا ئاریشەیێن هەرێما كوردستانێ و حكومەتا فیدرال.

هەردوو لایەن ل سەر هندێ دهەڤرابوون كو ئاریشە سیاسینە و پێدڤییە ژ چارچووڤێ دەستووری و رێككەڤتنان بهێنە چارەسەركرن.

سەرۆكێ حكومەتێ دووپاتی ل هندێ  كر، پێدڤییە مافێن دەستوورییێن هەرێما كوردستانێ وەكو قەوارەیەكێ فیدرال د پاراستی بن.

بالیۆزێ بریتانیا پەسنا چاكسازییێن حكومەتا هەرێما كوردستانێ كر، ب تایبه‌تى د بواری دێجیتالكرنا خزمه‌تگوزارییێن گشتیدا و ئاماژه‌ ب پێشكه‌ڤتنا داتا سه‌نته‌رێ ناڤه‌ندییێ فه‌رمانگه‌ها ته‌كنۆلۆجیا زانیارییێن حكومه‌تا هه‌رێمێ كر و گوت: پێدڤییه‌ ببیته‌ نموونه‌ بۆ هه‌موو عیراقێ و حكومه‌تا فیدرالی ژى كو سه‌نته‌ر و دامه‌زراوه‌یێن پێشكه‌ڤتى ب هه‌مان شێوه‌ ب دامه‌زرینیت.

بالیۆزێ بریتانیا ب رێز و پێزانینڤه‌ به‌حسا ره‌وشا پێكڤه‌ژیانا ئاشتییانه‌ یا دناڤبه‌را پێكهاته‌یێن جۆدا دا و ئازادییا راده‌ربرینێ ل هه‌رێما كوردستانێ كر.