<h2>فەرمانگەها میدیا و زانیاری یا حكومەتا هەرێمێ ڕاگەهاند، جڤاتا وەزیرێن هەرێما كوردستانێ دێ كۆمبیت و چەندین تەوەر و بڕگەیێن گرنگ گوتوبێژكەت. بڕیارە ئەڤرۆ ب سەرپەرشتییا مەسرور بارزانی، سەرۆكوەزیرێن هەرێما كوردستانێ و ب ئامادەبوونا قۆباد تالەبانی، جێگرێ سەرۆكوەزیران جڤاتا وەزیرێن هەرێما كوردستانێ كۆمبیت و چەند بڕگەیان گوتوبێژكەت. بڕگا ئێكێ: تایبەتە ب گوتوبێژكرنا دوماهی پێشڤەچوونێن پڕۆسەیا هوویربینكرنا ژمارا مووچەخۆرێن هەرێما كوردستانێ ژلایێ تیما هەڤپشك یا دیوانا چاڤدێرییا دارایی یا فیدڕالی و هەرێمێ ڤە. بڕگا دووێ: تایبەتە ب بابەتێ دەستپێكرنا هنارتنا پەتڕۆلا هەرێما كوردستانێ ب ڕێیا بەندەرێ جەیهان و دوماهی پێشڤەچوونێن ئەڤێ پرسێ دناڤبەرا عیراقێ و توركیا دا. بڕگا سییێ: تایبەتە ب دیاركرنا ڕاپۆرتەكێ ل دۆر ڕەوشا پێكهاتان ل هەرێما كوردستانێ.</h2>
