<h3 style="text-align: justify;"><span style="font-size: 18pt;">جێگرێ سهرۆكێ پهرلهمانێ عیراقێ راگههاند، وان 100 ئیمزا كۆمكرینه بۆ هندێ كو مووچهیێ خهلكى ژ خهرجییان بهێته جۆداكرن، وهزیرێ پهترۆلا عیراقێ ژى سۆزدایه گازا مالان رهوانه ههرێما كوردستانێ بكهت.</span></h3> <h3 style="text-align: justify;"><span style="font-size: 18pt;">شاخهوان عهبدوللا جێگرێ سهرۆكێ پهرلهمانێ عیراقێ د پرێسكۆنفرانسهكیدا راگههاند، دێ ل دۆر ماددهیێ 140 دگهل سهرۆكوهزیران كۆمبن، ههر پرۆژهیهكێ ل سهر زهڤییێن ماددهیێ 140 بهێته بجهئینینان، دێ هێته راگرتن.</span></h3> <h3 style="text-align: justify;"><span style="font-size: 18pt;">گوت ژى : پێشتر ئهو پرۆژهیێن ل سهر زهڤییێن ماددهیێ 140 ل كهركووكێ هاتینه بجهئینان، ههموو هاتنه راگرتن، وان دڤێت گشتاندنێ بۆ وێ بریارێ ل ههموو دهڤهرێن سنۆرێ ماددهیێ 140 بكهن، ههتا كو ئهو ئاریشه دهێته چارهسهركرن.</span></h3> <h3 style="text-align: justify;"><span style="font-size: 18pt;">ل دۆر كۆمكرنا 100 ئیمزایان بۆ جۆداكرنا مووچهیێ خهلكى ژ خهرجییان گوت: ئهوان دڤێت ب رێكا كۆمكرنا وان ئیمزایان كو دێ ئاراستهیى سهرۆكایهتییا پهرلهمانى كهن، مووچهیێ فهرمانبهرێن ههرێما كوردستانێ ژ خهرجییێن راستهقینه ( انفاق فعلى ) جۆدابكهن و بێخنه سهر بودجهیا سهروهرى ( الموازنة السيادية ).</span></h3>
