وەزیرێ دەرڤە یێ ئەمریکا د کۆمبوونا خۆ دا ل گەل وەزیرێن دەرڤە یێن هەژمارەكا وەلاتێن عەرەبی، داخوازا وان وەلاتان بۆ ئاگربەستێ دناڤبەرا ئسڕائیلێ و گڕۆپێن چەكدار یێن فەلەستینێ دا ڕەتكر.
دوهی ڕۆژا شەمبی ئەنتۆنی بلینکن، وەزیرێ دەرڤە یێ ئەمریکا ل گەل هەرئێك ژ وەزیرێن دەرڤە یێن سعودیە، مسر، ئوردن، ئیمارات و قەتەر ل عهممانا پایتەختێ ئوردنێ کۆمبوو، پاشان د پرێسکۆنفڕانسەکی دا ب ئاشکەرا وەزیرێن دەرڤە یێن وەلاتێن عەرەبی داخواز ژ بلینکن کر فشارێ بێخیتە سەر ئسڕائیلێ داكو ب ئاگربەستێ ڕازی ببیت، لێ بلینکن ئەو پێشنیارا وەلاتێن عەرەبی ڕەتکر و ڕاگەهاند، ئەو پێشنیارە بتنێ د بەرژەوەندییا حەماسێ دایە و ئاگربەست دێ ڕێكێ بۆ وان خۆشكەت خۆ ڕێكبێخن و هێرشێن مەزنتر بكەنە سەر ئسڕائیلێ.
ئەڤە دووەم سەرەدانا ئەنتۆنی بلینکنە بۆ ڕۆژهەلاتا ناڤەڕاست پشتی دەستپێکرنا جەنگا ئسڕائیل و گڕۆپێن چەکدارێن فەلەستینێ ل 7ی چریا ئێکێ. بلندبوونا ژمارا قۆربانییێن سڤیل بوویە ئەگەر داخوازا ڕاگەهاندنا ئاگربەستەكا بلەز بهێتەكرن، لێ هەتا نوكە ئەمریکا و ئسڕائیلێ ڕەتكریە.
Like this:
Like Loading...
