ئەڤرۆ دوشەمبی” 13/11/2023 ێ، مەسرور بارزانی، سەرۆکێ حکومەتا هەرێما کوردستانێ پێشوازی ل كاردینال لویس ساكۆ، پاتریارك و سەرۆكێ كەنیسەیا كلدانی ل عێراقێ و جیهانێ کر.
د وێ دیدارێ دا پاتریارک ساکۆ، کورتییه‌ك دەربارەیی سەره‌دانا خۆ بۆ ڤاتیکان و کۆمبوونا وی ل گەل قەداسەتا پاپایێ ڤاتیکانێ و کاردینالێن کاتۆلیکی ل جیهانێ دیار كر و سوپاسییا سەرۆکێ حکومەتا هەرێما کوردستانێ کر” بۆ پشته‌ڤانییا وان یا بەردەوام ل کریستییانان و گرنگیدان ب پێکڤەژیانا ئاشتییانە ل هەرێما کوردستانێ.
هه‌روه‌سا سەرۆکێ حکومەتا هه‌رێمێ ستایشا ڕۆلێ گرنگێ پاتریارک کاردینال لویس ساکۆی وەکو ڕێبەرێ بلند یێ کەنیسەیا کلدانی کر و پابەندبوونا حکومەتا هەرێما کوردستانێ ژی بۆ پاراستنا مافێن کریستییان و هه‌موو پێکهاتان ل هەرێما کوردستانێ دوپات كر.
