<h3 style="text-align: justify;"><span style="font-size: 18pt;">ب ئامادهبوونا مهسرور بارزانى سهرۆكوهزیرێن ههرێما كوردستانێ، كارگهها ( دستار ) یا بهرههمئینانا ئارى ل سێمێلێ هاته ڤهكرن، هژمارهكا پرۆژهیێن دى ژى ل قهزا سێمیلێ د رێدانه بهێنه بجهئینان.</span></h3> <h3 style="text-align: justify;"><span style="font-size: 18pt;">خهلیل مهحموود قائیممقامێ قهزا سێمێلێ بۆ ئاژانسا خانى دیاركر، پرۆژهیێ كارگهها بهرههمئینانا ئارى، ئێك ژ پرۆژهیێن گرنگه و بهرى سالهكه بهرى بنیاتى بۆ هاتبوو دانان و گوت : بهرى سالهكه سهرۆكێ حكومهتێ بهرێ بنیاتى بۆ دانا پرۆژهیهیێ ب خۆدانكرنا چێلان دانابوو ئهڤهژى پشكهكه ژ وى پرۆژهى، نێزیكى 20 ملیۆن دۆلاران ل بجهئینانا وى هاتینه مهزاختن، سایلۆیێن وێژى شیانێن وهرگرتنا 52 هزار تهنێن گهنمى ههنه، ئهگهر كهڤتنه كارى، دێ ڕۆژانه 500 تهنێن ئارى دروست كهن و پتر ژ 200 دهرفهتێن كارى پهیدا كهن، ئاماژه ب هندێ ژى دا، گهنمێ جۆتیارێن خۆجهێن قهزا سێمێلێ و ههموو پارێزگهها دهۆكێ دێ ل ڤان سایلۆیان هێته وهرگرتن.</span></h3> <h3 style="text-align: justify;"><span style="font-size: 18pt;">سهبارهت پرۆژهیێ خۆدانكرنا چێلان ئاشكراكر، ئهو پرۆژهیهكێ مهزنه ههتا سهرێ سالێ دێ تمام بیت و نێزیكى سێ هزار چێلان دێ لێ هێنه ب خۆدانكرن، چهند كارگههـ ههر دڤى پرۆژهیدا ههنه و دێ سپیاتییان بهرههمئینین، ههروهسا پرۆژهیهكێ دروستكرنا ئالفێ گیانهوهران ژى دێ بۆ وان گیانهوهران هێته دروستكرن یێن دێ ل ڤى پرۆژهى هێنه ب خۆدانكرن، ئهڤ پرۆژهیه ههموو دێ هژمارهكا باش یا دهرفهتێن كارى پهیدا كهن و خزمهتا وهلاتییان كهن.</span></h3> <h3 style="text-align: justify;"><span style="font-size: 18pt;">سهبارهت پرۆژهیێن نوو دیاركر، هژمارهكا پرۆژهیێن خزمهتگوزارى د بوارێ بجهئینانێدانه، هندهك پرۆژهیان ژى رهزامهندى وهرگرتییه و دێ دهست ب بجهئینانا وان هێتهكرن، ههموو ژى ئهو پرۆژهنه یێن گرێداى ژیانا وهلاتییان وهكو دروستكرنا رێیێن ناڤخۆ یێن سهنتهرێ قهزا سێمێلێ و رێیێن گۆندان.</span></h3>
