مەحمود محەمەد، پەیڤدارێ پارتی دیموکراتی کوردستان، د پهراوێزا چارەمین کۆڕبەندێ مێپس ل دهۆكێ ڕاگەهاند، ئەم دوو حزبین د وەلاتەكیدا كاردكەین ب پشتڕاستیڤە ڕكابەری ئێكین، بلندی و نزمی یا دناڤبەرا پەیوەندییێن مە دا تشتەكێ ئاساییە.
پەیڤدارێ پارتی دیموکراتی کوردستان دیاركر، د ڕۆژێن بووریدا چەندین كۆمبوون دناڤبەرا پارتی و ئێكەتیێدا هاتنە ئەنجامدان داكو ئەوان پەیوەندییان دروست بكەین كو د بەرژەوەندییا وەلاتییاندا بن، هەروەسا مە بوچوونێن جودا دگەل عیراقێ و دەوروبەر هەنە بۆ چارەسەركرنا ئاریشەیان و ئەو ئاریشە پێدڤی ب دانوستاندنێن زێدەتر هەنه.
مەحمود محەمەد گۆت، پارتی دیموکراتی کوردستان خۆ ب بەپرسیارەتییا ئاریشەیان دزانیت، دڤێت بزاڤان بكەین رێكەكێ ببینین كا چەوا كاربكەین دگەل ئەو پێكهاتەیێن ل كوردستانێ هەین و مە باوەری ب بوچوونێن جودا و لایەنێن جودا هەنە.
هەروەسا دیاركر، ئەم پابەندین هەلبژارتنێن هەرێما كوردستانێ د دەمێ خۆدا بهێنەكرن، ئومێدەوارم چ ئاریشە ڕوونەدەن.
