زاڕۆیێن وێ ژنا ل چاکسازییا ئێتیتێ مری ل مالا بێسەمیانان دهێنە خودانکرن

ئەڤڕۆ ژ ئەگەرێ نەخۆشییێ ژنەک د ناڤ چاکسازییا ئێتیتێ یا گرێدایی ئافرەت و سنێلەیان گیانێ خوە ژ دەست دا، چاڤدێرییا جڤاکی بۆ ئاژانسا خانی دیارکرن کو ئەوێ ژنێ چوار زاڕۆ ل پشت خوە هێلان و دێ ل مالا بێسەمیانان هێنە حەواندن.

خەلیل چێی، رێڤەبەرێ چاڤدێرییا جڤاکی ل دهۆکێ بۆ ئاژانسا خانی گۆت، چوار زاڕۆیێن وێ ژنا کو ئەڤڕۆ ل چاکسازییا ئافرەت و سنێلەیان ل دهۆکێ گیانێ خوە ژ دەست دایی، ل مالا بێ سەمیانان ل دهۆکێ دهێنە حەواندن.

زێدەتر گۆت، ئەو زاڕۆ پێکدهێن ژ دوو کچ و دوو کورێن ل خوار 16 سالی، دێ ب هەموو مافێن وان ڤە درێژی ب ژیانێ دەن ل مالا کچان و مالا کوران.

پۆلیسێن دهۆکێ دیارکر کو ئەڤڕۆ ب ئەگەرێ نەخۆشیەکا گران ژنەکێ د ناڤ چاکسازییا ئافرەت و سنێلەیان گیانێ خوە ژ دەستدایە کو ژیێ وێ نێزیکێ 46 سالایە و ب زیندانکرنا هەتا هەتایی هاتبوو سزادان.