په‌یاما پیرۆزباهییێ یا سه‌رۆكێ حكومه‌تا هه‌رێما كوردستانێ ب هه‌لكه‌ڤتا جه‌ژنا ڕۆژییێن ئێزى

مەسرور بارزانی سەرۆکێ حکومەتا هەرێمی کوردستانێ، ب هه‌لكه‌ڤتا جه‌ژنا ڕۆژییێن ئێزى، په‌یامه‌كا پیرۆزباهییێ ئاراسته‌یى ئێزدییێن كوردستانێ و جیهانێ كر كو ئه‌ڤه‌ ده‌قێ وێیه‌:

ب هەلکەڤتا جەژنا ڕۆژییێن ئێزی ، پیرۆزباھیێن خوه‌ پێشكێشى خووشك و برایێن ئێزیدی ل کوردستانێ و جیهانێ دکەم. ھیڤیدارم ئەڤ جەژنە ببیتە ئەگەرێ خێرو خۆشى و ئاشتى و ته‌ناهییێ.
دڤێ هەلکەڤتێدا، خووشک و برایێن ئێزیدی پشتڕاست دکەینەڤە، کو حکومەتا هەرێما کوردستانێ، ب هەمی شیانێن خوە کار دکەت بۆ ئاساییکرنەڤا رەوشا دەڤەرا شنگال، داکو ئاوارەیێن ڤێ دەڤەرێ ب سەربلندی بزڤڕنەڤە سەر مال و جھ و وارێن خۆ و بشێین خزمەتەکا پتر بۆ خووشك و برایێن ئێزیدی پێشکەش بکەین.

جەژنا هەوە پیرۆز بیت و هەر د خۆشیێدابن.

مه‌سرور بارزانى

سه‌رۆكێ حكومه‌تا هه‌رێما كوردستانێ