سه‌رۆك بارزانی پێشوازی ل بالیۆزێ نوویێ نه‌مسا ل عیراقێ كر

ئه‌ڤرۆ دووشه‌مبی ل سه‌لاحه‌دین سه‌رۆك مه‌سعود بارزانی پێشوازی ل ئاندریا ناسی بالیۆزێ نوویێ نه‌مسا ل عیراقێ كر.

د ئه‌وێ دیدارێ دا بالیۆزێ نه‌مسا خۆشحالییا خۆ ب دیدارا سه‌رۆك بارزانی ده‌ربری و به‌حس ل په‌یوه‌ندیێن مێژوویێن دناڤبه‌را گه‌لێ كوردستانێ و نه‌مسا و گه‌شه‌پێدانێ و پێشڤه‌برنا په‌یوه‌ندیێن دناڤبه‌را هه‌ردوو لایان كر ژ لایێ دپلۆماسی و كه‌لتووری و ئابووریڤه‌‌.

د پشكه‌كا دی یا دیدارا خۆ دا سه‌رۆك بارزانی پیرۆزباهیا ده‌ستبكاربوونا بالیۆزێ نوویێ نه‌مسا كر و هیڤییا سه‌ركه‌فتنێ د ئه‌ركێ وی یێ نوو دا بۆ خواست، به‌حس ل په‌یوه‌ندیێن دۆستانه‌ یێن  دێرین یێن دناڤبه‌را هه‌ردوو گه‌لێ كوردستانێ و نه‌مسا د كه‌ڤندا و نوكه‌دا كر، هه‌روه‌سا پێشۆازی ل هه‌ولێن به‌ره‌ڤ پێشڤه‌برنا په‌یوه‌ندیێن دناڤبه‌را هه‌ردوو لایان ل سه‌ر ئاستێ حكومه‌تا هه‌رێما كوردستانێ و حكومه‌تا فیدرالی دگه‌ل حكومه‌ت و گه‌لێ نه‌مسا كر.

ڕوودانێن ئه‌ڤێ دووماهیێ یێن عیراقێ و گرژی و ئالۆزیێن ده‌ڤه‌رێ ب گشتی ته‌وه‌ره‌كێ دیێ دیدارێ بوو.