ڤه‌گۆهاستنا عیراقێ: دێ 13 كه‌شتییان دروستكه‌ین

حكومه‌تا عیراقێ پلان هه‌یه‌ 13 كه‌شتییان دروستبكه‌ت و ڕێڤه‌به‌رێ ڕاگه‌هاندنا وه‌زاره‌تا ڤه‌گۆهاستنا عیراقێ دیاركر، ئه‌وان كه‌شتییان دێ موله‌ت هه‌بیت بچنه‌ هه‌موو به‌نده‌رێن جیهانێ.

مه‌یسه‌م سافى ڕێڤه‌به‌رێ ڕاگه‌هاندنا وه‌زاره‌تا ڤه‌گۆهاستنا عیراقێ ئاشكراكر، ژ چارچووڤێ پلانێن ئه‌ڤساله‌، وان نیاز هه‌نه‌ 13 كه‌شتییان دروستبكه‌ن، بۆ ڤێ مه‌ره‌مێ ژى نڤیسار دناڤبه‌را وه‌زاره‌تێن ڤه‌گۆهاستنێ و پلاندانانێدا هاتنیه‌ لێكگۆهارتن.

ئاشكرا ژى كر، شه‌ش كه‌شتییێن ژ وان دێ ل سه‌ر بودجه‌یا وه‌به‌رهێنانێ بن، دوو ل سه‌ر بودجه‌یا بكاربرنێ و پێنج ژى ل سه‌ر قه‌رێن ژاپۆنى بن، كه‌شتی دێ سه‌ر ب كۆمپانییا گشتییا ڤه‌گۆهاستنا ده‌ریایى بن و باوه‌رنامه‌ هه‌بیت كو بچنه‌ هه‌موو به‌نده‌رێن جیهانێ.