کۆمیتەیا برێڤەبرنا بجهئینانێ یا د ناڤبەرا وەزارەتا بەرگریا ئەمریکا و وەزارەتا پێشمەرگەیی کۆمبوون و بابەتێ چاکسازیا هێزێن پێشمەرگەیی گوتوبێژ کر.
ل گۆرەی بهیاننامهكا سەرۆکاتیا هەرێما کوردستانێ، کۆمیتەیا برێڤەبرنا بجهئینانێ یا د ناڤبەرا وەزارەتا بەرگریا ئەمریکا و وەزارەتا پێشمەرگەیی دا کۆمبوون و د بەیانێ دا هاتیە “کۆمبوون بۆ هەلسەنگاندنا وان پێشکەفتنان بوو یێن ل پرۆسەیا چاکسازیا هێزێن پێشمەرگەیی دا هاتینە کرن د چارچووڤێ یاداشتناما لێکتێگەهشتنا د ناڤبەرا وەزارەتا بەرگریا ئەمریکا و وەزارەتا کاروبارێن پێشمەرگەیی یا ئیلوونا سالا 2022”.
هەروەسا تێدا هاتیە “کۆمیتەیێ ئەو پێشکەفتن پێشکێشکرن یێن بۆ چاکسازیێ د ناڤ هێزێن پێشمەرگەیی دا بدەستکەفتین، هەروەسا ل سەر خالێن سەرەکی بۆ سالا بهێت ژی رێککەفتن وەک پشکەک ژ پابەندبوونا هەڤپشک و درێژخایەن بۆ ئێکگرتنا هێزێن پێشمەرگەیی د چارچووڤێ وەزارەتا پێشمەرگەیی دا و ئاڤاکرنا هێزەکا پیشەیی کو بشێت ژناڤبرنا ئێکجاری یا داعشێ مسوگەر بکەت”.
سەرۆکاتیا هەرێما کوردستانێ ئاماژه ب وێ یهكێ ژی كریه “وەزارەتا پێشمەرگەیی پێشکەفتنێن بەرچاڤ د پرسا چاکسازیێ د پێکهاتەیا دارایی و هێزان دا بدەستخستینە. وەزارەتا بەرگریا ئەمریکا و وەزارەتا پێشمەرگەیی ب خۆشحالی ڤە بەرێ خۆ ددەنە بەردەوامیا بزاڤێن چاکسازیێ کو د یاداشتنامەیا لێکتێگەهشتنێ دا هاتیە، ئەمریکا پشتەڤانیا ئیراق و هەرێما کوردستانێ دکەت بۆ ئاڤاکرنا ئیراقەکا بهێزتر و سەقامگیرتر”.
