مهسرور بارزانى سهرۆكوهزیرێن ههرێما كوردستانێ پێشوازى ل جهیسم گۆلدمان كونسۆلێ گشتییێ نوو یێ بریتانیا ل ههرێما كوردستانێ كر، دووماهى گوهۆرین و پێشهاتهیێن عیراقێ و دهڤهرێ دگهلدا گوتوبێژكرن.
ل دووڤ ڕاگههاندنا حكومهتا ههرێما كوردستانێ، سهرۆكێ حكومهتێ پیرۆزباهییا دهستبكاربوونێ ل كونسۆلێ گشتى كر و هیڤییا سهركهڤتنێ بۆ خواستن، پشتهڤانییا حكومهتا ههرێما كوردستانێ ژ پێخهمهت پێشڤهبرنا پهیوهندییێن دوولایانه دهربرى.
وهكو دڕاگههاندنێدا هاتى، كونسۆلێ گشتییێ بریتانیا سوپاسییا هاریكارى و ههماههنگییا دامهزراوهیێن حكومهتا ههرێما كوردستانێ كر، ئامادهییا وهلاتێ خوه بۆ بهێزتركرنا پهیوهندییان دگهل ههرێما كوردستانێ دووپاتكر.
