ئاژانسا خانی:
قایمقامێ قەزا شێخان دیار كر: ھەموو ڕێکارێن دروستکرنا نەخۆشخانا شێخان تەمام بووینە و ئه‌رد و پاره ژی بۆ هاتینه تەرخان کرن” هه‌روه‌سا ئاڤاكرنا وێ نەخۆشخانێ بۆ خه‌لكێ شێخان گه‌له‌ك گرنگییا خۆ هه‌یه و د وارێ ساخله‌مییێ دا دێ خزمەته‌كا باش بۆ خه‌لكێ وێ قه‌زایێ كه‌ت، ئه‌م چاڤه‌رێنه كو پارێ ئاڤاكرنا وێ بهێته خەرج كرن و ل ڤان نێزیکان دەست ب دروستکرنا وێ بهێته کرن.
سەردار شێخ یەحیا” زێده‌تر بۆ ئاژانسا خانی گۆت: نەخۆشخانەكا 100 ته‌ختی ل قه‌زا شێخان دێ هێته دروست كرن، حکومەتا ھەرێما کوردستانێ 17.5 دۆنه‌مێن ئه‌ردی بۆ وێ نه‌خۆشخانێ ته‌رخانكرینه و ھەموو ڕێکارێن ئاڤاكرنا وێ نه‌خۆشخانێ تەمام بووینە و 76 ملیار دینار ژ لایێ خحكومه‌تا عیراقێ بۆ وێ نه‌خۆشخانێ هاتینه تەرخانکرن و بریارە پشتی دەست بکاربوونا جڤاتا پارێزگه‌هێ و حکومه‌تا خۆجهییا نه‌ینه‌وا دەست ب مه‌زاختنا وان پاران بهێته كرن.
