نوونەرێ حکومەتا ھەرێما کوردستانێ ل فەرماندەیا ئۆپهراسیۆنێن ھهڤپشكێن عێراقێ دیاركر: ل دهستپێكا ههیڤا ئادارێ دێ مهشق و راهێنانێن ھەردو لیوایێن ههڤپشكێن پێشمەرگەیی و سوپایێ عێراقێ تەمام بن و ل دهڤهرێن كوردستانی یێن دهرڤهیی ئیدارا ههرێما كوردستانێ دێ دەست بکاربن.
لیوا عەبدولخالق تەلعەت، زێدهتر گۆت: ل دهمێ بوری دو لیوایێن ههڤپشكێن پێشمەرگەیی و سوپایێ عێراقێ دەست ب كارێ مەشق و ڕاھێنان کر، ههتا نوكه د مەشق و ڕاھێنان دا د بەردەوامن و بڕیارە ل دهستپێكا ههیڤا بهێت مەشق و ڕاھێنانێن وان تهمام بن.
ناڤهاتی گۆت ژی: پشتی تەمامبوونا مەشق و راھێنانێن وان هێزان بڕیارە ل دهڤهرێن كوردستانی یێن دهرڤهیی ئیدارا ههرێما كوردستانێ دێ دەست بکاربن، ههروهسا بهری نوكه لژنا فەرماندەیا ھێزێن ھهڤپشكێن عێراقێ و لژنا پێشمەرگەیی سەرهدانا وان دهڤهران کرییە و جهێن وان دیارکرینە و دێ ل وان جهان بنهجهـ بن.
