<h3></h3> <h3>ئاژانسا خانی:</h3> <h3></h3> <h3>بەرپرسێ نڤێسینگەها رزگارکرییێن کوردێن ئێزدی ژ دەستێ تیرۆرستێن داعشێ دیار كر: ههتا نوكه رزگارکرنا کوردێن ئێزدی ژ دەستێ داعشێ یا بەردەوامە و هندی ئێك كهس ژی مابیت" دێ ئهو د بەردەوام بن" ههتا وان ههموویان رزگار دكهن.</h3> <h3>حسێن قائیدی، زیدهتر بۆ ئاژانسا خانی گۆت: رزگارکرنا کوردێن ئێزدی ژ دەستێ داعشێ ب پشتهڤانی و ھاریکارییا سەرۆکاتییا ھەرێما کوردستانێ یا بەردەوامە و دێ بەردەوام بین ژی هەتا ھەموو کوردێن ئێزدی ژ دەستێ داعشێ دهێنه رزگار کرن، نوكه ژی مه كچهكا دیتر یا ١٠ سالی رزگار کرییە.</h3> <h3>ناڤهاتی گۆت ژی: ههتا نوكه مه سێ ھزار و ٥٧٦ کەسێن کوردێن ئێزدی ژ دەستێ داعشێ ڕزگارکرینه و نێزیکی دو ھزار و ٦٠٠ کەسێن دیتر ماینه د دهستێ داعشێ دا، بهلێ ب پشتهڤانی و ھاریکارییا نێچیرڤان بارزانی" سەرۆکێ ھەرێما کوردستانێ دێ د بەردەوام بین بۆ رزگاركرنا ههموو وان كهسێن ژ لایێ داعشێ ڤه هاتینه رهڤاندن، ههروهسا نڤێسینگەها مە ژی سەر ب سەرۆکاتییا ھەرێما کوردستانێ ڤهیە و بۆ رزگارکرنا کوردێن ئێزدی هاتییه ڤهكرن.</h3>
