مەکتەبا سیاسی یا پارتی راگەهاند ئه‌ڤرۆ د راگه‌هاندنه‌كێ دا راگه‌هاند : بریارێن دادگەها فیدرالی بۆ لاوازکرنا سازییێن هەرێما کوردستانێ نە و رێ خۆشکریە بۆ دەستهەلاتا فیدرالی کو زێدەگاڤییێ ل سەر دەستهەلاتێن دەستووری یێن هەرێمێ بکەت.
دەقێ راگەهاندنا مەکتەبا سیاسی یا پارتی:
پشتی دەربازبوونا پتر ژ هەش هەیڤان ل سەر روینشتنێندادگەها فیدرالی و پاشخستنا ب مەبەست و بێ بەهانەیێن یاسایی و دەستووری، د بریاردانێ ل سەر ئێکلاکرنا وان داخوازیێن ل سەر یاسایا هەلبژارتنێن پەرلەمانێ کوردستانێ یا ژمارە 1 یا سالا 1991 هاتبوونە پێشکێشکرن. دوماهی جار ل 21ی شوباتا 2024 دادگەها فیدرالی بریارەک راگەهاند کو تێدا مافێن دەستووری یێن هەرێما کوردستانێ و بنەمایێن فیدرالی و پرەنسیپێن لێک جوداکرنا دەستهەلاتان کو د دەستوورێ ئیراقێ دا هاتینە جێگیرکرن، هاتینە بنپێکرن. ژبەر ڤێ یەکێ مە ب پێدڤی زانی کو گەلێ کوردستانێ ب رێکا ڤێ راگەهاندنێ ئاگەهداری روویێ نەرەوا یێ بریارا دادگەهێ ببن.
