ئەندامەکێ جڤاتا نوونەرێن عیراقێ ژ ئەگەرێ دووڤچوونێ ل سەر بابەتەکێ گەندەلییێ ل وەزارەتا بازرگانییا عیراقێ ، بۆ دەمێ شەش هەیڤان هاتە حوکمکرن. ژێدەرەکی ژ جڤاتا نوونەرێ عیراقێ بۆ ئاژانسا خانی ئاشکراکر، هادی سەلامی پەرلەمانتارێ سەربەخۆ بۆ دەمێ شەش هەیڤان هاتە حکمکرن، ژبەرکو گەندەلییەکا وەزارەتا بازرگانییا عیراقێ ئاشکراکر.
ئاماژە ب هندێ ژی دا، جۆرەکێ دووشاڤا تەماتێ کو دگەل پشکا خوارنا هەیڤانە ب سەر وەلاتییاندا دهێتە بەلاڤکرن ، ل ناڤا بازاری ب هزار دینارایە ، لێ چەند کەسەك ل وەزارەتا بازرگانی هەر وێ دووشاڤێ ب سێ هزار و 500 دیناران ل سەر حکومەتێ د هژمێریت، ئەوی پەرلەمانتاری ژبەرکو دووڤچوونا ڤی بابەتی کر ییە و بۆ خەلکی ئاشکراکرییە ژلایێ هندەک کەسانڤە سکالا ل سەر هاتە تۆمارکرن و بۆ شەش هەیڤان هاتە حوکمکرن.
