ئاژانسا خانی:
ئەندامه‌كێ لژنا نەفت و گازێ ل پەرلەمانێ عێراقێ گۆت: رەشنڤیسێ پڕۆژە یاسایێ نەفت و گازێ ب ره‌نگه‌كێ مەرکەزییانە هاتییه نڤیسین و ژ ئه‌گه‌رێ نەبوونا یاسایێ نەفت و گازێ پرانییا کۆمپانییێن بیانی وەبەرهێنانێ د بیاڤێ نەفتا عێراقێ دا ناکەن.
د. سەباح سوبحی، زێده‌تر بۆ ئاژانسا خانی گۆت: یاسایێ نەفت و گازێ یێ گرنگ و مەترسیدارە د هەمان ده‌مدا، گرنگییا وێ ئه‌وه ئابوورێ عێراقێ پشتبه‌ستنێ ل سه‌ر نه‌فتێ دكه‌ت.
ناڤهاتی گۆت ژی: ئاریشا مه‌زن یا یاسایێ نەفت و گازێ د مادێ هه‌شتێ دا دیار دبیت” كو ناگونجیت ل گەل یاسایێ نەفت و گازێ” ئەگەر یاسایێ نەفت و گازێ بهێته بجهئینان” کەرتێ نەفت و گازێ ل هەموو عێراقێ دێ هێته رێکخستن، ب ڤێ چه‌ندێ دێ گه‌له‌ك ئالی مفادار بن و هنده‌ك ژی دێ زه‌ره‌رمه‌ند بن، له‌وما وان نه‌ڤێت ئەو یاسایە بهێته بجهئینان” هه‌ر‌وه‌سا د بەرهەمئینانا نەفتێ دا پارێزگه‌هێن عێراقێ چ دەستهه‌لات نینە، هەروەسا لایەنێن سیاسی یێن بەغدا دڤێت یاسایێ نەفت و گازێ ب شێوازه‌كێ مەرکەزی بهێته دارێژتن و ئه‌ڤه ژی جهێ قه‌بوولكرنێ نینە.
