<h2 style="text-align: justify;"><span style="font-size: 18pt;">وه‌زیرێ په‌روه‌ردێ ل حكومه‌تا هه‌رێما كوردستانێ ڕاگه‌هاند، هه‌ر ده‌مێ پشكا هه‌رێما كوردستانێ ژ بودجه‌یا گشتییا فیدرالى هاته هه‌مواركرن، ماموستایێن وانه‌بێژ دێ ب شێوه‌یێ هه‌ڤبه‌ست هێنه دامه‌زراندن.</span></h2> <h2 style="text-align: justify;"><span style="font-size: 18pt;">ئالان حه‌مه سه‌عید وه‌زیرێ په‌روه‌ردێ ل حكومه‌تا هه‌رێما كوردستانێ ل ڕێوره‌سمێن ڤه‌كرنا دوو قوتابخانه‌یێن 12 ڕێزى ل سنۆرێ قه‌زایا به‌ره‌ره‌ش دیاركر، مه‌سرور بارزانى سه‌رۆكێ حكومه‌تا هه‌رێما كوردستانێ ل هه‌یڤا هه‌شت یا بوورى ڕازیبوون بۆ دامه‌زراندنا ماموستایێن وانه‌بێژ ب شێوه‌یێ هه‌ڤبه‌ست دابوو.</span></h2> <h2 style="text-align: justify;"><span style="font-size: 18pt;">ئاماژه ب هندێ ژى دا، هه‌لویستێ سه‌رۆكێ حكومه‌تا هه‌رێما كوردستانێ سه‌باره‌ت دامه‌زراندنا ماموستایێن وانه‌بێژ نه‌هاتییه گوهۆرین، لێ ئه‌و چاڤه‌رێنه پشكا هه‌رێما كوردستانێ د بودجه‌یا گشتییا عیراقێدا بهێته هه‌مواركرن، داكو ماموستایێن وانه‌بێژ دابمه‌زرینن، بێ گومان چاڤێ وان زێده‌تر دێ ل پارێزگه‌ها دهۆكێ بیت.</span></h2>
