ئەمیندارێ گشتییێ حزبا ئوممە راگەهاند: ل عێراقێ کیشەكا مهزن ب ناڤێ گەندەلییێ ههیه كو یا هاتییه پرۆگرام کرن و لایەنێن سیاسی نهشێن ئەوێ کێشێ چارەسەر بکەن، هەروەسا کوتلێن سیاسی بهرهڤانییێ ژ گهندهلكاران دكهن ئهو ژی لدووڤ حهزا خۆ یارییان ب خهلكێ و داهاتێ خهلكێ دكهن.
مەحمود عگێلی، گۆت ژی: ڤێ كیشێ ل دهمێ ئابلۆقا ئابووری یا ل سەر عێراقێ ل سالا 1991 ێ سەرهەلدایه و پشتی سالا 2003 ێ، و هاتنا لایەنێن سیاسی د حکومەتێن ئیك لدووڤ ئێك پارە ب هەدەر دایە، کو لدووڤ ئەوان ئامارێن لبەردەستێ مه، پتر ژ 30 ملیاردێر ل عێراقێ هەنە، کو ل خۆشترین وهلاتان ئەو ژمارا ملیاردێران نینە، لهوما هەموو کوتلێن سیاسی ب رهنگهكێ گشتی و پلان بۆ دارێژتی داهاتێ خەلكێ ددزن، نوكه دزییەکا زۆر هەیە خەلك ژی رووبروو هەژارییێ بووینە.
