مەسرور بارزانی، سەرۆکێ حکومەتا هەرێما کوردستانێ پەیامەكا پیرۆزباهییێ ب هەلكەفتا جەژنا نەورۆز و سەرێ سالا نوی یا كوردی 2724 بەلاڤكر.
دەقێ پەیاما سەرۆكێ حكومەتا هەرێما كوردستانێ؛
ب هەلكەفتا هاتنا جەژنا نەورۆز و سەرێ سالا نوی یا کوردی 2724، گەرمترین پیرۆزباهی ئاراستەی هەمی کوردستانييان، ب تایبەتی پێشمەرگەیێن قارەمان، هێزێن ئاسایشا ناڤخۆ، کەس و کار و بنەمالێن سەربلندێن شەهیدان و ئەنفالکریان دکەم و هیڤیا شادییێ بۆ دخوازم.
نەورۆز بۆ وەلاتییێن کوردستانێ، هەردەم هێمایێ سەرکەفتن و ئازادییێ بوو ژ ڕوویێ ستەمکار و زۆرداران و دەستپێکا ژیان و سەردەمەكێ نوییە.
ڕێز و پێزانین من بۆ وەلاتییێن خۆڕاگرێن هەرێما كوردستانێ هەیە، كو ب لێبورینڤە بووینە قوربانییێن بابەتێن سیاسیی، هندەك کەس و لایەن کو بۆ بەرژەوەندییا خۆ بازرگانییێ ب مافێن دەستووری و شایستەیێن دارایی یێن خەلكێ کوردستانێ دکەن، بەلێ پشتڕاستین خواست و ئیراەیا وەلاتییێن كوردستانێ ژ پێخەمەت ژیانەكا ئازاد و سەربلند هەر دێ سەركەڤیت. هیڤیدارم سالا نوی سالا ب دووماهی ئینانا هەمی نەخۆشی و ستەمێ بەرامبەر گەلێ كوردستانی بیت.
نەورۆزا هەوە پیرۆزیت و هەر ب خۆشی بژین
مەسرور بارزانی
سەرۆکێ حکومەتا هەرێما کوردستانێ
20-03-2024ـێ
