بۆچی هندەك كەس ل دەمێ ڕۆژیگرتنێ تووشی سەرئێشانێ دبن ؟

هندەك كەس هەنە ل دەمێ ڕۆژیگرتنێ تووشی سەرئێشانێ دبن، ئەڤە ب ئەگەرێ داكەفتنا ئاستێ شەكرا خوینێ ڕویددەت، ژبەركو دەمێ شەكرا خوینێ دهێتە خوار مرۆڤ تووشی سستبوون، سەرئێشان، ماندیبوون، خوهدانا نەئاسایی، كێمییا تەركیزێ و لەرزینا لەشی دبیت.
پتریا جاران ئەگەرێ ڤی حالەتی خوارنا نەدروست یا دەمێ پاشیڤێ یە، ژبەركو خوارنا ڕێژەیەكا زێدە یا كاربۆهێدراتان و شرینییان، ئاستێ ئەنسۆلینی زێدەدكەت كو دبیتە ئەگەرێ هاتنا خوار یا شەكرا خوینێ.
ئەگەرێن بەربەلاڤ یێن سەرئێشانێ ل دەمێ ڕۆژیگرتنێ:
1- كێمبوونا شەكرا خوینێ.
2- نەمانا كافایینی د لەشی دا.
3- كاركرن و وەستییانا زێدە.
4- كێمبوونا سۆدیۆمی د لەشی دا.
5- هشكبوونا لەشی.
6- نە نڤستن ب شێوەیەكێ باش.
چارەسەری:
1- باشترین هەلبژارتن بۆ كێمكرنا سەرئێشانێ ل دەمێ ڕۆژیگرتنێ خوارنا دانێن ڕێكخستی یە كو پێكبهێن ژ هەمی ڤیتامین و پێكهاتێن خۆراكی یێن پێدڤی.
2- خوارنا ئازارشكێنان.
3- ڤەخوارنا ڕێژەیێن پێدڤی یێن ئاڤێ.
4- باش نڤستن.
ژێدەر: ويب طب