ئهڤرۆ ئێكشهمبی” ب مهرهما دووڤچوونا كاری و ئهو خزمهتا هێزێن پێشمهرگهیی و تیمێن پاقژكرنا پاشمایێن ژ ئهنجامێن لههییان دروست بووین” د.عهلى تهتهر پارێزگارێ دهۆكێ سهرهدنا چەندین تاخێن جۆدا یێن ل ناڤا سهنتهرێ باژێرێ دهۆكێ كر و ژنێزیك سهحكره كار و ئهو خزمهتا ئهڤ تیمه ئهنجام ددهن ژبۆ پاقژكرنا پاشمایێن لههییان .
پارێزگارێ دهۆكێ بناڤێ خۆ و سهرۆك بارزانى و مهسرور بارزانى سهرۆكێ حكومهتا ههرێما كوردستانێ و فهرمانده مهنسور بارزانى سۆپاسییا وان ههموو هێزێن پێشمهرگهیى و دهزگههێن ئێمناهییێ و لایهنێن حزبى و میرى و خۆبهخشان و ههموو دلسۆزا كر” یێن كو ب ئهركێ خۆ یێ مرۆڤایهتى و نهتهوهیى رابووین و پشكدارى د ههوا پاقژكرنا باژێرێ دهۆكێ دا كرى ژبۆ نههێلانا پاشمایێن لههییان و تهكهز كر كو ههموو وهلاتییێن زیانڤێكهفتی بهرى جهژنێ دێ هێنه قهرهبۆكرن.
ئهو جهێن سهرهدانا وان هاتییه كرن” (تاخێ خهبات ل نێزیك نهخۆشخانا تهنگاڤییان یا بهرێ” تاخێ سێگركا ل نزاری ” كۆمهلگهها زهرى لاند و تاخێ بهرۆشكێ ل نێزیك پرا دیارى ).
