ئێكەتییا ئورۆپا كەیخۆشییا خۆ ل دۆر ڕێككەفتنا دناڤبەرا هەولێر و بەغدا ل دۆر بابەتێ مووچەی دەربڕی و دیاركر، ئەڤ ڕێككەفتنە دێ بیتە ئەگەرێ سەقامگێرییێ.
تۆماس سایلەر، بالیۆزێ ئێكەتییا ئورۆپا ل عیراقێ ڕاگەهاند، ب ڕێككەفتنا دناڤبەرا حكومەتا هەرێما كوردستانێ و حكومەتا عیراقێ ل سەر دابینكرنا مووچەیێ فەرمانبەران و مووچەخۆرێن هەرێمێ د كەیفخۆشین.
تۆماس سایلەر ئاماژە ب هندێ كر، كو ئەڤ جۆرە ڕێككەفتنە سەقامگیریا هەرێما کوردستانێ و عیراقێ ب گشتی زێدەدكەت، ئێكەتییا ئەورۆپا بەردەوام پشتەڤانییا هەمی لایەكی دكەت بۆ ڤەدیتنا چارەسەرییا هەڤبەش.
بالیۆزێ ئێكەتییا ئورۆپا دیاركر، د چەند حەفتییێن بهێتدا دێ سەرەدانا هەرێما کوردستانێ كەت و ئامادەیی خۆ بۆ گوهلێبوونا هەمی لایەكی دووپاتکر.
