نێچیرڤان بارزانی، سەرۆكێ هەرێما كوردستانێ د بیرەوەرییا 44 سالیا جینۆسایدا كوردێن فەیلی دا، پەیامەك بەلاڤكر.
دەقێ پەیاما سەرۆكێ هەرێمێ:
ئەڤرۆ یادا ب ئازار یا 44 سالیا جینۆسایدا ب هزاران كوردێن فەیلی دكەین كو د هەوەكا دڕندانە یا ڕژێما وی دەمی یا عیراقێ دا، ژبەركو كورد بوون و پشتەڤانی ل شۆڕەشا كوردستانێ دكر، ڕوویبڕووی كوشتن، گرتن، دەركرن و بێسەروشوینكرنێ بوون و ڕەگەزنامە و مال و حالێن وان ژێ هاتنە ستاندن.
جینۆسایدا كوردێن فەیلی و هەمی بزاڤێن نەهێلانێ و تاوانێن دەرحەق گەلێ كوردستانێ، مێژوویەكا ڕەش و ڕابردوویەكێ تال یێ پڕ ژ خەلەتی یێ عیراقێ یە كو بوویە ئەگەرێ نەهامەتی و نە ئارامییێ بۆ وەلاتی. پێدڤییە ئەو ڕابردوویە بۆ مە هەمییان ببیتە پەند و وانە و بۆ پاشەڕۆژەكا باشتر ل سەر بنەمایێ پێكڤەیی و ئێكدوقەبویلكرنێ ل عیراقێ، مفای ژێ ببینین.
سلاڤ ل یاد و گیانێ پاك یێ شەهیدێن كوردێن فەیلی و سەرجەم شەهیدێن كوردستانێ
نێچيرڤان بارزانى
سهرۆكێ ههرێما كوردستانێ
2024/4/4
