ئەڤرۆ نێچيرڤان بارزانى، سهرۆكێ ههرێما كوردستانێ ل بهغدا د كۆمبوونەكێدا ل گەل پاتريك دورێل، باليۆزێ فرهنسا ل عیراقێ ل دۆر ڕەوشا عیراق و ههرێما كوردستانێ پهيوهندييێن ههولێر ـ بهغدا و هەلبژارتنێن پهرلهمانێ كوردستانێ دانوستاندن كر.
ل دویڤ ڕاگەهاندنا سەرۆکایەتییا هەرێما کوردستانێ، ههردوولایان ب ئهرێنى دووماهی پێشهاتێن پهيوهنديیان دناڤبەرا حكومهتا ههرێما كوردستانێ و حكومهتا عیراقا فيدرال هەلسهنگاند و داكۆكی ل گرنگيا لێكتێگەهشتن و چارهسهركرنا ئاریشەیان دناڤبەرا هەردوو لایان كر.
د تەوەرەكێ دی یێ كۆمبوونێدا پهيوهندييێن فرهنسا ل گەل عیراق و ههرێما كوردستانێ، سهرەدانا سهرۆكێ ههرێما كوردستانێ بۆ بهغدا و ديدار و كۆمبوونێن ل گهل بهرپرسێن بلند یێن عیراقێ باس كرن.
