ئەڤرۆ ڕۆژا دووشەمبی وەزارەتا باژێرڤانی و گەشتوگوزارێ ڕاگەهاند، پالپشت ب بڕیارا ژمارە (4651 لە 7/4/2024)ـی یا جڤاتا وەزیرێن هەرێما كوردستانێ، نڤیسارەك ئاراستەی دەستەیا گەشتوگوزار، ڕێڤەبەریێن گشتی یێن ئاڤێ، شوینوار و كەلەپوور، سەرۆكایەتییێن باژێرڤانی و نەخشەدانانێ ل هەمی پارێزگەهـ و ئیدارەیێن سەربەخۆ یێن هەرێما كوردستانێ هاتەكرن و تێدا داخواز هاتەكرن هەر ژ ئەڤرۆ دەست ب بجهئینانا مامەلەیێن بڕیارا لێخۆشبوونێ ب ڕێژا 20% یێن قەرێن حكومەتێ سەر ب وەلاتییان و كرێكارێن وەزارەتا باژێرڤانی و گەشتوگوزارێ بكەن.
د خالا ئێكێ یا د نڤیسارا وەزارەتا باژێرڤانی و گەشتوگوزارێ هاتییە؛ 20% ئەو قەرێن وەلاتییان دێ هێنە كێمكرن ژ وان، وەكو كرێیا ئاڤێ، خۆل و خاشاك، كرێیا سالانە یا كرێچی یێن فەرمانگەهێن سەر ب وەزارەتا باژێرڤانی و گەشتوگوزارێ و ڕسوماتێن گەشتوگوزارێ.
د خالا دووێ یا د نڤیسارا وەزارەتا باژێرڤانی و گەشتوگوزارێ هاتییە؛ 20% ئەو قەرێن وەلاتییان دێ هێنە كێمكرن ژ وان، وەكو كرێیا ئاڤێ، خۆل و خاشاك، كرێیا سالانە یا كرێچی یێن فەرمانگەهێن سەر ب وەزارەتا باژێرڤانی و گەشتوگوزارێ و ڕسوماتێن گەشتوگوزارێ هەتا ئاسایبوونا ڕەوشا نەهەموار یا دارایی ل هەرێما كوردستانێ.
